اخبار التكنولوجيا
تحميل لعبة القراصنة (arrr) بدون انترنت للاندرويد.
بتبدء قصة اللعبة مع رجوع قرصان الي سفينته لكنه بيتفاجئ ان السفينة اتسرقت ومن هنا بتبدء حكاية اللعبة بظهور الشخصية الاساسية في محاولته لاسترداد السفينة اللعبة شهبيهة جدا لعبة النينجا الشهيرة ninja arashi واللي جرب لعبة ninja arshi هيلاحظ ان اللعتين قريبين جدا من بعض مع اختلافات بسيطة وطبعا مع اختلاف القصة الاساسية للعبة .
| اسم اللعبة | القراصنة (arrr) |
| نوع اللعبة | العاب اكشن |
| الشركة المطورة للعبة | Shooter Games and FPS |
| حجم اللعبة | 139 ميجا |
| اصدار اللعبة | 1.1 |
| الاصدار الرسمي (من متجر جوجل بلاي) | من متجر جوجل بلاي |
| متطلبات التشغيل | اندرويد 5.0 او احدث |
| التقييم علي متجر جوجل بلاي | 4.7 |
| عدد مرات التحميل من متجر جوجل بلاي | اكثر من 10 الف عملية تحميل |
طريقة اللعب بسيطة وسهلة جدا موجود تحت علي الشمال زرار الاتجاهات وهنا الزرار فين يمين وشمال فقط بمعني انك تقدر تتحرك لليمين والشمال فقط وفوق علي الشمال موجود العملات الخاصة بيك بالاضافة الي صورة الشخصية اما تحت علي اليمين موجود زرار القفز وهنا تقدر تستخدمه مرتين متتاليتين وهتحتاجه جدا اثناء اللعب .
كمان موجود مهارة الاقتحام اللي تقدر من خلالها تضرب اكتر من خصم في نفس الاتجاه ومهارة الاختفاء اللي تقدر من خلالها تدخل جوه البرميل الخشب وتحمي نفسك من الاعداء لكن خد بالك لان البرميل بيحميك لوقت محدد حوالي 5 ثواني تقريبا وبعد كدة بتظهر مرة تانية لخصومك وموجود كمان ضربة السكاكين وده هتحتاجه لضرب خصومك من بعيد .
اللعبة مليانة بالاسرار والمفاجئات اللي هتقابلك اثناء اللعب وخليني احكيلك شوية علي الحاجات المفائجة اللي قابلتني في اللعبة .
- الصناديق الخشب الموجودة علي الارض اضربها بالسكاكين في الغالب فيها عملات اللعبة لكن احيانا بيكون فيها لغم بينفجر فيك يموتك .
- موجود في الارض كمين بيقفل علي رجلك ويجمدك لحوالي خمس ثواني وبيكون ظاهر وواضح بس هتاخد بالك منه لما يمسكك مرتين تلاتة .
- علامة المدفع الموجودة علي الارض متقفزش من عليها ولازم تمشي عليها وتخليها تنور عشان لما تموت بترجع لاخر علامة مدفع منورة .
- بيعدي تنين في السماء كل شوية اعمل قفزتين واضربه بيموت من ضربة واحدة وبينزلك حماية بحيث لو ضربك خصم الحماية تروح وانت تكمل .
- احذر من المادة الكيميائية الخضراء و النار عشان لو حاجة منهم لمستك هتموت .
- احذر جدا من السهام اللي بتطلع من الارض ومع اول ظهور لاول سهم ارجع للخلف بسرعة لانها بتبدء من الامام للخلف ونسبة اصابتها عالية جدا
- اقفل النت وانت بتلعب اللعبة لان اللعبة فيها كمية اعلانات رهيبة .
