تحميل اقوى العاب الزومبي للاندرويد لعبة (ZOMBIE HUNTER)
| اسم اللعبة | ZOMBIE HUNTER |
| نوع اللعبة | العاب الزومبي |
| الشركة المطورة للعبة | VNG GAME STUDIOS |
| حجم اللعبة | 133 ميجا |
| اصدار اللعبة | 1.22.0 |
| الاصدار الرسمي | من متجر جوجل بلاي |
| متطلبات التشغيل | اندرويد 4.4 او احدث |
| التقييم علي متجر جوجل بلاي | 4.4 |
| عدد مرات التحميل من متجر جوجل بلاي | اكثر من 5 مليون عملية تحميل |
نقدم لكم يا اصدقائي من خلال مقال اليوم لعبة ZOMBIE HUNTER من انتاج وتطوير شركة VNG GAME STUDIOS بحجم 133 ميجا فقط للاصدار رقم 1.22.0 .
تبدء احداث اللعبة في العام 2023 وتدور احداث اللعبة حول ان البشر قد قاموا بتلويث مياه البحار ودمروا الغلاف الجوي للارض وان البشر فعليا هما السبب الرئيسي في تدمير الارض وجه الوقت عشان يدفعوا الثمن .
وكمان حسب احداث قصة اللعبة بيظهر تشوهات في البشر وان خلاص الادوية مبقتش فعالة ضد اي نوع من انواع التشوهات اللي اصابت البشر لكن في العام 2025 حسب احداث وقصة اللعبة بتظهر شركة ادوية جديدة وبتعلن انها انتجت دواء تحت اسم Z تم تطويره بواسطة الدكتور عكاشة وطبعا انا مبهزرش فعلا حسب احداث القصة اسمه DR / AKASHA .
الدواء الجديد او المصل او اللقاح تم الاعلان عنه انه قادر علي ازالة التشوهات اللي حصلت في السنوات الاخيرة وانه بيعمل علي اطالة عمر البشر لفترات طويلة واعلن الدكتور عكاشة مخترع المصل ان البشر داخلين علي بداية جديدة ونهاية لزمن الاوبئة .
لكن مع الاسف كل ده كان مجرد كذب وبدات المفاجئة بعد سنتين من تلقئ البشر للمصل وتحول كل البشر الي اخدوا المصل الي وحوش زومبي وبدؤوا في مهاجمة البشر ومن هنا بتبدء احداث القصة ببطلها اللي هو steve bruce اللي بدء يتكلم ويقول ان العالم بقي جزيرة الموت حرفيا وبتظهر كمان سكارليت ودي تبقي بنت الدكتور عكاشة اللي هو السبب الاساسي في تحول البشر الي زومبي وبتطلب المساعدة من ستيف اللي هوبطل القصة وبتحكيله ان سلاحها خلص ذخيرة وعايزاه يساعدها فبيوافق علي طول انه يساعدها ويطلب منها انها تاخد اي مكان كحماية ليها وهو هيتولي امر وحوش الزومبي الي بتهاجمها .
وبتبدء مباشرة المرحلة الاولي من اللعبة ، اللعبة سهلة وبسيطة وكمان بيظهر برنامج تعليمي ع السريع يعلمك ازاي تتحرك وازاي تضرب خصومك وطبعا الهدف الاساسي من اللعبة هو القضاء علي وحوش الزومبي واعادة الامن الي كوكب الارض مرة اخري .